Wiil dhalinyaro ah oo xalay lagu dilay Beydhabo

Dec 8, 2012 - jawaab

Wararka naga soo gaaraya magaalada Beydhabo ee xarunta gobolka Baay waxaa ay sheegayaan in halkaasi xalay lagu dilay wiil dhalinyaro oo ka mdi ah dhalinta ku dhaqneyd halkaasi.

Dilka ruuxaan rayidka ah ayaa waxaa la tilmaamayaa in ay ka dambeeyeen kooxo ku hubeysan Bastoolado kuwaasi oo bartamaha magaalada Beydhabo ku toogtay ruuxaasi dhalinyarda ah .

Kooxa dilka  geystay ayaa isaga baxsaday halka ay dilka ka geysteen iyadoona durba halkaasi ay soo gaareen ciidamada dowladda Soomaaliya ee ku sugan Beydhabo.

Ilaa hadda saraakiisha ciidamada dowladda ee magaalada Beydhabo ee xalay dilka uu ka dhacay ayaa ilaa hadda aaney ka hadlin oo wax war ah wali kama aysan soo saarin .

Meydka marxuunkan ayaa markii dilka loo geystay ka dib waxa laga qaaday daqiiqado ka dib halka uu yaalay.

Magaalada Beydhabo waxaa gacanta ku haya ciidamada dowldda Soomaaliya iyo kuwa Amisom waxaana xilliyada qaar ka dhaca dilal qorsheysan iyo sidoo kale Qaraxyo lala eegto ciidamada iskaashanaya.

Xafiiska wararka Muqdisho

www.toosiye.com