Soomaaliya oo barri la ciyaari doonta Burndi iyo Ethiopia oo maanta guulaysatay (dhagayso)

Nov 24, 2012 - jawaab

KAMPALA.           Waxaa maanta ka furmay dalka Uganda caasimaddiisa  ciiyaaraha bariga iyo bartamaha Afrika oo ay Soomaaliya ka qayb gali doonto sanadkaan.

Ciyaartii ugu horeysay oo ka dhacday caasimadda Kampala waxay dhexmartay xulalka Ethiopia iyo Koonfurta Suudaan. Goolkii ugu horreeyay waxaa ku hormaray xulka Ethiopia waxayna ciyaartii kusoo dhamaatay 2-0 oo ay ku badisay xulka Ethiopia.

Xulka Soomaaliya waxaa la filayaa inay barri wada ciyaari doonaan xulka qaranka Burundi oo ay ku wada ciyaari donaan garoonka Nelsan Mandela.

Dadka Soomaalida ayaa indhaha ku haya qaab ciyaareedka sanadkan ay soo bandhigi doonaan, waxayna ciyaarihii lasoo dhaafay ee Soomaaliya soo dheeshay aysan wax hourmar ah ka keenin koobka bariga iyo bartamaha Afrika.

Halkaan ka dhagayso waraysi ku saabsan ciyaaruhu siday ku bilowdeen

Furitaankii ciyaartii maanta waxa ka qayb galay guddi ka socda FIFA, waxaa kaloo joogay xiriirka kubadda cagta ee dalka Uganda. Wuxuu jawigu ahaa mid deggan.

Maxamed Jaamac Faarax-Barre.
Nairobi-Kenya.