Raila Odinga, “Dowladdu waa inay magdhow ka bixisii wixii ka dhacay Gaarisa”

Nov 24, 2012 - jawaab

GAARISA.            Raysal-wasaaraha Kenya Raila Odinga ayaa shaagay in dowladda Kenya looga baahan yahay inay bixiso magdhow la siiyo dadkii dhibaatadu kasoo gaartay rabshadihii ka dhacay magaalada Gaarisa.

Wuxuu Odinga amray in la bilaabo qorshe lagu baaryo dadkii shacabka ahaa ee hantidoodii ay burburiyeen ciidamada milatariga.

Raila isagoo shacabka kula hadlaya mid kamid ah waddooyinka waawayn ee magaalada Gaariso (Kismayo Roud) ayuu canbaareeyey dilkii iyo burburintii hantidii shacabka ee ay askarta milatarigu ka fuliyeen magaalada wuxuuna ku tilmaamay “NASIIB DARRO”.

Waxaa hadalladiisii kamid ahaa:-

“Askartu ma ahayn inay iska qaataan qof walba wuxuu ku amro, mana ahayn in saddex askari oo fal argagixiso lagu dilay jawaab looga dhigo in shacabka la dilo hantidoodana la baabi’iyo”.

Wuxuu kaloo ku daray:-

“Looma baahna in dadka hantida leh ay caawiyaan dadka dhiban, waa inay dowladdu iyadu xambaartaa masuuliyadda wixii halkaan ka dhacay”.

Wuxuu kaloo shacabka ka codsaday inay dowladda ay ka caawiyaan sidii looga hortagi lahaa xubnaha fulinaya falalka arxan-darrada ah.

Raila wuxuu kamid yahay xubnaha u tartamaya madaxtinnimada xilka madaxweynaha ee foodda nagu soo haysa.

Maxamed Jaamac Faarax-Barre.
Nairobi-Kenya.