http://www.toosiye.com/wp-content/themes/naqshadtiigalgaduud/images/" alt="Toosiye.com logo" border="0" />
Qarax saaka ka dhacay magaalada Nairobi
NAIROBI. Qarax ayaa ka dhacay magaalada Nairobi meel kamid ah xaafadda ay Soomaalidu u badan tahay ee Eastleight (ISLII) oo lagu magacaabo Section Three.
Qaraxaas wuxuu waxyeelo u gaystay saddex qof oo ku dhaawacmay, wuxuuna qaraxu ka dhacay goob shidaalka lagu gado agteeda.
Mutisya Mbithi oo 23 sano jir ah iyo Pter Munyoki 45 sano jira ayaa kamid ah dadka ku dhaawacay waxaana la geeyey isbitaalka Nairobi Hospital.
Ciidamada Ammaanka ayaa ku howlan baaritaan ay ka wadaan xaafadda Section Three oo uu qaraxu ka dhacay, ilaa iyo haatanna ma jirto cid losoo qobtay.
Waa qaraxii labaad oo ka dhaca Kenya gudeheeda toddobaad gudihiis iyadoo kii hore uu ka dhacay magaalada Gaarisa meel ay dadka Kirishtaanku wax ku caabudaan, wuxuu qaraxaas galaaftay nolosha askari waxaana ku dhaawacmay 14 qof oo shacab ay ku jiraan iyo ilma yar.
Maxamed Jaamac Faarax-Barre.
