Qarax ka dhacay xaafadda Islii iyo qofkii ka dabeeyay oo la qabtay

Nov 14, 2012 - jawaab

NAIROBI.          Qarax ay ku dhaawacmeen 5 qof ayaa caawa ka dhacay xaafadda Islii ee magaalada Nairobi, qaraxaas oo ka dhacay dukaan (Supermarket) gudihiisa.

Waxaa loo qabtay nin la tuhunsan yahay inuu qaraxaas ka dambeeyey oo ah Kenyan, siday sheegeen dad goobjoogayaal ah.

Ninka qaraxaas gaystay wuxuu kamid ahaa dadkii goobta ku dhaawacmay, qof goobjooge ah ayaa booliska oo goobta yimid u sheegay in qaraxu dhacay markii ninkaas uu gudaha u galay dukaanka.

Waxaa kaloo jira laba nin oo kale oo lagu raad joogo kuwaasoo dukaanka bannaankiisa ku sugayay midkan dhaawacmay.

Afhayeenka booliska magaalada Nairobi Moses Ombati oo goobta yimid ayaa tilmaamay inay gacanta ku hayaan ninkii lagu eedeeyey falkaas.

Afhayeenku wuxuu intaas ku daray ninka la qabtay inuu waxyaabo kaloo badan u sheegay booliska, hase ahaatee hadalkaas uu daboolay af-hayeenku ayay u egtahay inuu eedeysanuhu sheegay raggii lasoo howl galay.

Maxamed Jaamac Faarax-Barre.
TOOSIYE NEWS NAIROBI.