Photo of Byron Bay - one of Australia's best beaches!

Madaxweyne Xassan muxuu uga baaqday safarkii Kenya? (faallo)

MUQDISHO.         Madaxweynaha Soomaaliya oo safarro ku kala tagay waddamada Jibouti iyo Ethiopia ayaa qorshihiisu wuxuu ahaa inuu muddo usbuuc ah kusoo maro waddamadaas iyo wadanka Kenya.

Qorshahaas oo isbedelay markii madaxweynaha Soomaaliya oo Adis ku sugnaa uu mar qura kusoo laabtay caasimadda Soomaaliya ee Muqdisho.

26-kii November bishii tagtay, waxaa madaxweyne Xassan Sh. Maxamuud si heer sare ah loogu soo dhaweeyey garoonka diyaaradaha ee caasimadda Jibouti, halkaasoo uu ku sugnaa madaxweynaha martida loo yahay ee Ismaaciil Cumar Geele.

Sidoo kale madaxweyne Xasan oo safarkaas ku weheliya wasiirka gaashaandhigga xukuumadda Soomaaliya C/Kariim Xaaji Fiqi ayaa Jibouti ku sugnaa laba maalmood.

Maalintii saddexaad ee safarkii madaxweyne Xassan wuxuu ka dagay Adis-Ababa caasimadda dalka Ethiopia, halkaas waxaa kusoo dhaweeyey raysalw-wasaaraha Ethiopia iyo madax kale.

Inkastoo safarka madaxweynaha uu ahaa mid qorshaysan uuna ku tagi lahaa Jibouti, Ethiopia iyo Kenya haddana lama oga sababihii uu ku iman waayay dalka Kenya.

Wasiiradda arrimaha dibadda Soomaaliya ahna raysal-wasaare kuxigeenka Fowsiya Xaaji Aadan ayaa soo gaartay caasimadda Kenya ee Nairobi intii uu madaxweynuhu kusugnaa Jibouti, laakiin markii uu madaxweynuhu soo gaaray Adis, Fowsiya waxaa u dhamaaday safarkii ay ku joogtay Nairobi, waxayna markiiba u duushay madaxweynaha halkuu kusugnaa oo ahay Adis Ababa kalana qayb gashay shirar uu madaxweynuhu la yeeshay madaxda xukuumadda Ethiopia.

Markii uu safarkii Ethiopia iyo u dhamaaday madaxweynaha iyo wafidigiisii waxay u weecdeen Muqdisho, is weydii madaxweynaha ma waxaa loo sheegay inaan waqti loo hayn oo farriin ayaa loosoo faray wasiirka arrimaha dibadda oo ugu tagtay Ethiopia?

Ma jirin xaalad culus oo waddanka kasoo korortay oo uu madaxweynuhu ugu baaqdo safarkii uu ku imaan lahaa Nairobi. Sababaha uu ku baaqday miyay isla xiriiraan siyaasadda is-fahmi waaga ah ee ka taagan Jubbooyinka?

Isku soo duuboo waxaa soo shaac baxaysa in madaxweyne Xassan iyo Kenya uu soo kala dhex-galay madmadow.

Maxamed  Jaamac Faarax-Barre.
Nairobi-Kenya.
mjfaarax@gmail.com 

2 Talyaaniga oo dadka galaya dalkiisa kaga shakisan Alshabaab
- Jul 5, 2014
Madaxa Ciidamada Badda dalka Talyaaniga ayaa maalintii Khamiista ahayd ka digay in wuxuu ugu ...
11 Alshabaab oo looga baqayo dalka Uganda, iyo Mareykanka oo….
- Jul 5, 2014
Waxaa si aad ah loo adkeeyay amaanka guud ahaan Garoonka diyaaradaha Entebbe ee dalka ...
Kenya oo sheegtay in dad badan ay ka barakacayaan deegaanadii Alshabaab ay weerareen
- Jun 28, 2014
Boqolaal qoys ayaa ka cararay guryihii ay ku lahaayeen deegaanada Mpeketoni iyo Witu iyo ...
Annadif oo war kasoo saaray ciidamada AMISOM ee islaamka ah
- Jun 28, 2014
War qoraal ah oo kasoo baxay xafiiska midowga Africa ee AMISOM ee Soomaaliya ayaa ...
2 Alshabaab oo arin layaableh ka sameeyay Buulo-burde
- Jun 26, 2014
Wararka naga soo gaaraya degmada Buulo-burde ee gobolka Hiiraan ayaa sheegaya in labo ruux ...
1 AMISOM oo arin dhici karta ka hadashay
- Jun 26, 2014
Tan iyo markii waxgaradka iyo madaxda beelaha Hawiye ay diideen aqoonsigii dowlada Soomaaliya ay ...