Haweeney dib xuriyadeeda u heshay ka dib xarig ay Shabaabka Jowhar u geysteen

Dec 8, 2012 - jawaab

Ciidamada ururka Al-shabaab ee ku sugan magaalada Jowhar ee xarunta gobolkaasi waxaa xalay gurigeeda kala bexeen qof haweeney ah taasi oo maanta dib u heshay xuriyadeeda kadib saacado ay ku jirtay gacanta ururkaasi.

Xaliimo Aadan oo looyaqaan Xaliimo Cadeeey kana mid ah haweenka ku dhaqan magaalada Jowhar ee xarunta gobolka shabeelaha dhexe ayaa ciidamo ka tirsan shabaab waxa ay xalay kala soo bexeen gurigeeda oo kuyaala xaafadada Hanti wadaag gaar ahaan Mashinka.

Haweeneydaan ayey shabaabku waxaa y ku eedeeyen inay xiriir laleedahay ciidamada dowladda Soomaaliya ee duulanka ku ah magaalada jowhar waxaana shabaab ku eedeeyeen haweeneydaan in Seygeeda uu hogaan u ahaa ciidamadii shalay weerarka ku qaaday Jowhar .

Xaliimo Cadeey waxaa ay ka mid tahay haweenka sida aadka ah looga yaqaan Jowhar waxaana ay ka mid ah haweenka ka ganacsada Qaadka ee ku dhaqan Jowhar xarunta gobolka shabeelaha dhexe.

Waxaa ay weydiiyeen su’aalo la xiriira shakiga shabaab ay ka qabaan iyo inuu xiriir kala dhexeeyo ciidamada dowladda .

Shabaabka Jowhar ayaa cabsi xoogan waxa ay ka qabaan ciidamada Huwanta ah ee u jiheystay dhanka magaalada Jowhar oo ay haatan shabaabku maamulaan.

Xafiiska wararka Muqdisho

www.toosiye.com