Photo of Byron Bay - one of Australia's best beaches!

(faahfahain) Sh. Shibili oo war laga diiday & sababaha loo khaarajin lahaa Yuusux Xasan


ISLII.  
 Dhalinyaro Soomaali aah ayaa isugu soo baxay bannaanka masaajidkii xalay qaraxa lala eegtay ee Al-Hidaaya.  Waxayna diideen dadkaas xanaaqsan in gawaaridu ay maraan waddada uu masaajidku ku yaalo ee la dhoho Jam-Steet.

Wadaadka Soomaaliyeed ee Sheekh Shibili ayaa dadkii dhagax-tuurka samaynayay kula hadlay bannaanka masaajidka kana codsaday inaysan rabshadda sii weynayn.

Laakiin hadalka iyo codsiga wadaadka wuxuu u egyahay mid ku dhacaya dhago xiran, waxaana wali masaajidka iyo hareerihiisa taagan dhalinyaro caraysan oo dhagax ku tuuraya gaari walba oo waddadaas maraya.

Subixii hore ee saaka waxaa goobta soo gaaray ciidamo milatari ah oo isku dayay inay kala diraan dadka, qaar kamid ah dhalinta oo laqabtay ayaa la xiray, inkastoo markii dambe ay dib ugu soo laabteen goobtii.

Sidoo kale xaafadda lagu magacaabo MAJANGO oo ka tirsan Islii ayaa iyadana waxaa galay ciidamo waxaana laga soo qabqabtay dad Kenyan ah wali lama sheegin sababta xaafaddaas loo galay iyo inay ka dambeeyeen qarixii xalay.

Sidoo kale xaafadda Section-Three oo ka tirsan Islii ayaa dad Soomaali ah laga kaxaystay saaka lama oga sababta keentay in dadkaas la kaxaysto.

Isku soo duuboo qaraxyada ka dhacay xaafadda Islii waa kuwa siyaasadaysan macnahooduna yahay sidii uu xilka ku waayi lahaa Yuusuf Xasan Cabdi oo ah xildhibaanka laga soo doorto degmada Kamakunji, waana ninka kaliya ee ugu cadcad inuu xilkaas mar kale ku guulaysan doono.

Sadex qarax oo waxyeelo u gaystay dad shacab ah ayaa dhacay laba bilood oo isku xiga kuwaasoo ay ku naf waayeen dad kor u dhaafaya 18 qof dhawucuna uu ka badan yahay 100 ruux.

Dhammaan falalka ammaan xumo ee laga gaysanayo Islii waa kuwa ujeedkoodu yahay sidii uu Yuusuf Xasan ku waayi lahaa xilka dhildhibaannimo ee degmada Kamakunji.

Intuusan xilka qaban degmada kama jirin biyo nadiif ah, koronto joogto ah, ammaanka oo wax laga qabto, burburka waddooyinka waawayn, in lagu xiro waddooyinka layrar iftiimiya, xornimo u socodka Soomaalida xaafadda gudeheeda, dad Soomaaliyeed oo codkooda dhiibta iyagoo dibad-baxyo samaynaya iyo inay Soomaalidu ogaadaan inay iyagu xor u yihiin Islii.

Dhammaan qodobadaas ayuu wax ka qabtay Yuusuf  laakiin wuxuu wali Soomaalida ka la’yahay inay diiwaan galiyaan fal kasta oo lagu sameeyo noocuu doono ha noqdee.

Sababaha kale ee lagu doonayo in Yuusuf la khaarajiyo waxaa weeye dhaqaalihii la iska lunsan jiray oo iminka dadka iyo degmada wax loogu qabanayo.

Laakiin nasiib wanaag Soomaalida deggen Islii wuxuu u noqday Yuusuf xidigta kaliya ee ay daawadaan.

Kumannan qof oo ku sugan Islii ayaa saaka iska waraysanaya xaalada xildhibaanka, mar walba oo aad gasho barta lagu wada-hadlo ee facebook waxay dadku soo saarteen sawirka Yuusuf waxayna ugu ducaynayaan inuu illaahay caafiyo.

Maxamed Jaamac Faarax-Barre.
Nairobi-Kenya.

2 Talyaaniga oo dadka galaya dalkiisa kaga shakisan Alshabaab
- Jul 5, 2014
Madaxa Ciidamada Badda dalka Talyaaniga ayaa maalintii Khamiista ahayd ka digay in wuxuu ugu ...
11 Alshabaab oo looga baqayo dalka Uganda, iyo Mareykanka oo….
- Jul 5, 2014
Waxaa si aad ah loo adkeeyay amaanka guud ahaan Garoonka diyaaradaha Entebbe ee dalka ...
Kenya oo sheegtay in dad badan ay ka barakacayaan deegaanadii Alshabaab ay weerareen
- Jun 28, 2014
Boqolaal qoys ayaa ka cararay guryihii ay ku lahaayeen deegaanada Mpeketoni iyo Witu iyo ...
Annadif oo war kasoo saaray ciidamada AMISOM ee islaamka ah
- Jun 28, 2014
War qoraal ah oo kasoo baxay xafiiska midowga Africa ee AMISOM ee Soomaaliya ayaa ...
2 Alshabaab oo arin layaableh ka sameeyay Buulo-burde
- Jun 26, 2014
Wararka naga soo gaaraya degmada Buulo-burde ee gobolka Hiiraan ayaa sheegaya in labo ruux ...
1 AMISOM oo arin dhici karta ka hadashay
- Jun 26, 2014
Tan iyo markii waxgaradka iyo madaxda beelaha Hawiye ay diideen aqoonsigii dowlada Soomaaliya ay ...