Baan-ki-moon oo hurdadii ka toosay kadib duqayn 7 bari ku socotay Qaza

Nov 20, 2012 - jawaab

QAAHIRA.        Xoghayaha guud ee Qaramada Midoobeey Ban-Ki-Moon ayaa haatan u muuqda mid jiifka ka kacay kadib gantaalo lagu garaacayay Qaza muddo 7 cisho ah.

Wuxuu iminka ku sugan yahay dalka Masar caasimaddiisa Qaahira wuxuu la shirayaa wasiirka arrimaha dibadda dlaka Masar Maxamed Kamaal Caamir.

Wuxuu kaloo la shirayaa caawa dhigiisa xog-hayaha ururka Carabta oo uu labadoodaba kala shiri doono sidii loo joojin lahaa dagaalka ka socda Qaza.

Wuxuu kaloo safarkiisa uu ku marayo Bariga-Dhexe lugtiisa labaad tagi doonaa Israel, oo uu soo eegi doono khasaaraha ay soo gaaray iyo siday isku difaaceen, wuxuuna soo dhagaysan doonaa waxay ka qabaan xabad joojin.

Inuu haatan jiifka ka koco waxay ahayd markii dalalka Carabtu ay si guud u canbaareeyeen duqaynta Qaza lagu hayo.

Intaan warkiisa lagu baahin saxaafadda waxaa kahoreeyey hadal kasoo baxay xafiiska arrimaha dibadda dalka Maraykanka oo sheegay inay u dirayaan Bariga-Dhexe Ban-Ki-Moon.

Isagoo warbaahinta la hadlaya wuxuu yiri “Waa inay dagaalka joojiyaan dhammaan garabyada dagaallamaya, waan ognahay Israel inay xuquuq uleedahay inay is difaacdo”.

Wuxuu u muuqdaa nin shaqadiisa loo tilmaamayo, wuxuna haatan u egyahay nin 7 bari kahor seexday.

Maxamed Jaamac Faarax-Barre.
Nairobi-Kenya.